Tbilisi Gestalt Institute

ინსტიტუტის შესახებ

თბილისის გეშტალტ ინსტიტუტი წარმოადგენს საგანმანათლებლო დაწესებულებას, რომელიც დაარსდა 2013 წლის მარტში ევროპის გეშტალტ თერაპევტთა ასოციაციის ნამდვილი წევრი რიგის გეშტალტის ინსტიტუტის მხარდაჭერით.

2018 წლის 23 იანვრიდან ინსიტუტი გაწევრიანდა ევროპის გეშტალტ თერაპევტთა ასოციაციაში ასოცირებული წევრი ტრენინგ ინსტიტუტის სახით.

ჩვენ გთავაზობთ სასწავლო პროგრამებს, რომელიც საშუალებას აძლევს კურსდამთავრებულებს შეიძინონ საერთაშორისო სტანდარტების შესაბამისი განათლება ფსიქოთერაპიასა და ორგანიზაციულ კონსულტირებაში.

  • განგრძობითი სწავლება ფსიქოთერაპიის მიმართულებით
  • კვალიფიკაციის ამაღლება ფსიქოთერაპიაში
  • ჯგუფური თერაპიის და პერსონალური განვითარების ტრენინგები1464656_602247613180014_1700594083_n
  • არტ-თერაპიის და სხვა თერაპიული ტექნიკების ტრენინგები
  • სუპერვიზია – როგორც ინდივიდუალური, ისე ჯგუფური
  • სპეციალიზაციის ტრენინგები (მაგ., ბავშვებთან და მოზარდებთან მუშაობა, წყვილებთან მუშაობა, სხვადასხვა ფსიქიკურ აშლილობებთან კლინიკური თერაპიისმ ეთოდები, და სხვა)
  • ორგანიზაციული კონსულტირების ტრენინგები
  • მომუშავე პრაქტიკოსების თემთან და პროფესიულ საზოგადოებებთან დაკავშირება
  • ფსიქოთერაპევტის შერჩევა, გადამისამართება

თბილისის გეშტალტ ინსტიტუტის გუნდი იზიარებს ჰუმანისტური და ეგზისტენციალური ფსიქოლოგიის ფასეულობებს, რომელთა თანახმად ადამიანი განიხილება ჰოლისტურად, როგორც ერთი მთლიანი, მისი გარემოს ზემოქმედების გათვალისწინებით. ჩვენ გვწამს ადამიანის უდიდესი შესაძლებლობების, და ფსიქიკის თანდაყოლილი რესურსულობის. შედეგად, გეშტალტ თერაპევტი წარმოადგენს კლიენტის მეგზურს მისი ცხოვრებისეული პრობლემების გადაჭრის გზაზე, სთავაზობს რა საკუთარ რესურსებს კლიენტის გაძლიერების და თვითრეალიზების მიზნით.

ჩვენ ვაღიარებთ მუდმივი განვითარების აუცილებლობას, როგორც პროფესიულ, ისე პერსონალურ ჭრილში. სასწავლო პროცესის ორგანიზებისას მაქსიმალურად ვითვალისწინებთ არსებულ სოციალურ, ეკონომიკურ, კულტურალურ და ეკოლოგიურ კონტექსტს. ჩვენი მიზანია ეფექტური სასწავლო პროცესისა და მამოტივირებელი გარემოს უზრუნველყოფა.

თბილისის გეშტალტ ინსტიტუტი წარმოადგენს შეზღუდული პასუხისმგებლობის საზოგადოებას საქართველოს კანონმდებლობის შესაბამისად.

%d bloggers like this: